松葉牡丹

2004/10/06 台灣通俗歌謠
無意間在電腦教室發現一本書~"台灣兒歌"
原本以為是可以教唱遊的歌曲,
翻開看了之後,像發現新大陸一般的有趣..
編者收了21則歌謠,全都是用閩南語發音的
對我來說,真不愧是本好教材
尤其裡面描述的活靈活現
通俗的俚語真趣味.一一登錄如下...

@老鼠撞著鐵
一隻老鼠,偷吃瓜籽,聽著貓仔聲,趕緊走去匿,
無注意,撞著壁邊一塊鐵,疼甲目屎喢喢滴.
@黑墨水
黑墨水,黑唑唑,毛筆沾來畫一隻鵝,畫鵝畫甲黑嗎嗎,
哪火炭,歸棄改畫蚵仔麵線;麵線黑嚕嚕,換畫龜;
畫龜畫甲黑鹿鹿,尾曲曲,頭擴擴,腳脊背閣凸一凸

@黑猩猩
黑猩猩,衫黑黑,走去挖蕃薯塊;羊咩咩,衫白白
走去拗番麥;紅毛蟹,衫紅紅,走去剪布帆;
水蛙衫青青,跳著跳著跳去溝仔邊.

@鸚哥鳥
鸚哥鳥,鸚哥鳥,嘴曲曲,頭殼巧,學人講話,
逐句攏會曉,我講一二三四五,伊講五六七八九

@土狗仔
土狗仔,六隻鬚,水溝掠魚溜,魚溜滑滑滑,爬起溝
仔頂檢肉骨,肉骨油油油,吃甲嘴鬚結歸球. (掠魚溜&抓泥鰍)

@大豬公
大豬公,穿皮鞋,透早賣清糜,半晡賣紅茶;
中晝做豆花,下晡種木瓜;欲暗仔賣碗粿,
暗時夜市仔賣甜粿,三更半瞑閣去修理電火.

@獅去剃頭
一隻獅,去剃頭,剃頭師,是一隻猴,剃的剃的,
剃甲變光頭,猴講按呢卡緣投,那隻獅,講按呢哪瘾頭.

@餓鬼貓
餓鬼貓,腹肚餓,哪行哪叫喵喵喵,
看著餿桶-就跳入去黑白撓.

@趣味歌
趣味歌,真趣味,兔仔賣粉圓,猴山仔賣紅柿;
厝尾頂,貓仔咧烘魚,老鼠值咧爌番薯

@目睭花花
目睭花花,蟾蜍看做水蛙;目睭濁濁,粉鳥
看做密婆;目睭霧霧,猴山仔看做是阿舅

@田蛤仔
田蛤仔田蛤仔,咈咈跳,跳去樹仔腳吃中晝.
田蛤仔田蛤仔,嘓嘓哮,蒼蠅蚊子聽著趕緊走

@憨水牛
憨水牛,叩叩闖,追鵝追甲攙大象相碰,碰一咧頭殼
煞暈暈,暈暈暈暈變閣卡憨,看著塑膠管,就欲掠狂

@山頂一隻猴
山頂一隻猴,爬樹仔伊上敖;山腳一隻狗
上愛扒扒走;狗學猴,爬樹頭,猴學狗,扒扒走,
無張遲,跋落樹仔腳嗎嗎哮!

@一隻虎
樹林內,一陣虎,一隻瘦比巴,一隻大腹肚;
一隻面膨膨,一隻面脯脯;一隻尾溜長長長,
一隻腳骨粗粗粗,攏在樹仔腳吃肉酥. (@@脯脯:乾燥沒有水份的樣子)

@黑貓黑唑唑
黑貓黑唑唑,暗時行路人看無,在厝尾頂賴賴锉,
喵喵喵,阿婆阿婆,驚一咧,嚇一跳.

@狐狸子
狐狸子偷吃餅,肉餅油律律,吃肉骨,肉骨硬倥倥,
吃便當;便當冷枝枝,吃花枝;花枝韌脯脯,
吃甲欲吐欲吐.

@虎姑婆
虎姑婆好嘴斗,一粒肉包兩塊麻荖,三碗爌肉
四盤水餃'五條俗粄'六桶仙草,七分鐘就吃了了.

@肥豬齁齁叫
這隻豬,愛吃餿,一天愛吃百外斤,
齁齁叫,一直吞,豬槽仔內,剩菜剰湯偆.

@載雞載羊
新娘車欲載新娘,新娘無來,載兩隻雞兩隻羊
雞仔喔喔叫,羊仔咩咩叫,人客聽著攏愛笑.

@厝鳥仔
厝鳥仔真敖早,天光就唱歌,啾啾啾!唱眉煞
啾啾啾!一直吵,是不是在叫我,欲起床,
愛趁早,緊去信箱提報紙

@不得了
不得了囉,不得了!
你牽牛,我牽狗
伊牽一隻大粉鳥;
粉鳥飛去崊兜大門口,
恁那隻牛跟去偷吃草
阮的狗在崊兜客廳
扒輪斗,咱攏去了了!